Foto Ilustruese
Policia e Shkodrës ka prangosur sot një person dhe ka shpallur në kërkim një tjetër, pasi në bashkëpunim me njëri-tjetrin kanë tentuar që të kalojnë drejt Malit të Zi 19 persona, me nënshtetësi afgane.
Siç bwhet e ditur nga burimet e Policsw Vendore, mësohet se në pranga ka rënë Kushtrim Brahaj 26-vjeç si dhe është bërë shpallja në kërkim e R. M., (ku për arsye hetimi nuk bëhet i ditur identiteti i plotë i tij).
Një ditë më parë në një pjesë të pyllëzuar të malit të quajtur Kolaj, në afërsi të urës Gjolulit në Shkodër u gjetën të fshehur 19 Afganë, të cilët po përgatiteshin për të kaluar kufirin në drejtim të Malit të Zi.
Pas gjetjes, Afganëve iu është dhënë ndihmë mjekësore, psikologjike dhe ushqimore dhe po zbatohen të gjitha procedurat ligjore përmes Zyrës Emigracionit pranë DRKM – Shkodër për riatdhesimin e tyre.
