Ka më shumë se 4 muaj që spitali rajonal i Fierit ‘Memorial’ (që nga muaji Mars) nuk ka fonde për furnizim me ushqime. Pacientët i sigurojnë vetë ushqimet që duhet të marrin gjatë ditës. ashtu edhe për lavanderi, denoncoi sot në një deklaratë për shtyp, deputetja e PD, Albana Vokshi.
“Çdo gjë sigurohet nga familjarët e pacientëve. Nuk mjafton kjo, por në spital, sot që në flasim, informohemi që janë grumbulluar 6,6 ton mbetje spitalore brenda ambienteve të spitalit rajonal të Fierit në vend që ato t’i asgjësojnë.
Mendoni pak, brenda ambienteve të spitalit, për shkak se nuk kanë gjetur një vend për t’i asgjësuar janë mbetje të rrezikshme, që lëshojnë gazra apo substanca të rrezikshme për pacientët, familjarët por edhe stafin e spitalit.
Si çdo gjë tjetër elektorale, edhe spitali elektoral është një dështim!”, deklaroi Vokshi. a.b
