Kreu i Prokurorisë së Posaçme Altin Dumani tha sot se kanë shpallur kërkim ndërkombëtar për zv.kryeministrin Arben Ahmetaj në lidhje me aferën e inceneratorëve. “Ka procedime në Prokurorinë e Posaçme për inceneratorët dhe deklaratat e Ahmetajt për Rai 3 po verifikohen”, tha Dumani.
Dumani zhvilloi sot një takim me gazetarët ku teksa komentoi hetimin ndaj kreut të opozitës , Sali Berisha tha se janë bërë ndaj tij edhe hetime në lidhje me pasurinë por nuk përmendi rezultatet.
“Janë bërë hetimet pasurore për Berishën”, tha Dumani.
Për Dumanin, pas vendimit të publikuar nga Gjykata e Lartë në lidhje me “21” Janarin, SPAK tashmë është i detyruar të regjistrojë procedimin penal.
“Jemi të detyruar të zbatojmë vendimin e Gjykatës së Lartë. Kur të vijnë aktet do të regjistrojmë hetimin penal. Do të shihet në vijim edhe bashkëpunimi me Prokurorinë e Tiranës”, tha Dumani.
Ndërkohë temë diskutimi në takimin e Dumanit me gazetarët ka qenë edhe dosja “Xibraka”, për të cilën kreu i SPAK tha se kjo dosja është hapur, por Gazment Bardhu nuk ka bërë kallëzim.
Në lidhje me hetimet për kreun e Partisë së Lirisë, Ilir Meta dhe deputetet së kësaj force politike Monika Kryemadhi.
“Çështja është në hetim, nuk mund te jap asnjë koment”, tha Dumani para gazetarëve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
