Foto Ilustruese
Një aksident me pasojë dy të vdekur dhe tre të plagosur ka ndodhur mëngjesin e sotëm në aksin rrugor Lezhë – Tiranë. Aksidenti automobilistik ka ndodhur rreth orën 05:10, në rrugën nacionale Lezhë – Tiranë, në Fushë-Milot, në një segment rruge pa ndriçim.
Sipas burimeve zyrtare të policisë vendore, mësohet se janë përplasur mjeti “Benz” me targa TR 0143 M dhe mjeti “Benz” ma targa LA 9785 A
Mjeti me targa LA 9785 A drejtohej nga B. M., rreth 35-vjeç i cili udhëtonte me nënën e tij T. M., rreth 65-vjeçe dhe bashkëshorten B. M., rreth 32-vjeçe të cilët ndodhen në spital nën kujdesin e mjekëve.
Në mjetin me targa TR 0143 M ishin drejtuesi i cili ka gjetur vdekjen në vend si dhe një pasagjer, i cili gjithashtu ka ndërruar jetë në spital. Të dy shtetasit janë akoma të pa identifikuar.
Policia e cila shkoi në vendngjarje po punon për zbardhjen e plotë të shkaqeve të aksidentit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
