Specialistët e Krimeve të Rënda ndaj Jetës, bënë arrestimin në flagrancë të Lefter Canaj, 57 vjeç, banues në Tiranë.
Arrestimi i tij u bë pasi në ambientet e spitalit “American 1”, te pavijoni i Hemodializës, për motive ende të paqarta ky person pasi ka mbaruar mjekimin, rreth orës 11:00, është rikthyer te pavijoni i Hemodializës, ku me vete ka pasur një shishe me lëndë djegëse “benzinë”, lëndë të cilën ka filluar t’ia hedhë në të gjithë trupin e shtetasit D. Saraçi i cili ka qenë duke marrë mjekim në krevat dhe më pas i ka vënë flakën.
Flakët kanë përfshirë të gjithë pavijonin e Hemodializës, ku nga flakët e shumta dhe tymi i madh në këtë ambient kanë gjetur vdekjen Sanije Sulaj, 65 vjeçe, banuese në Mamurras dhe Anife Mali, 55 vjeçe, banuese në Laç.
Gjithashtu si pasojë e këtij zjarri kanë mbetur të dëmtuar D. Saraçi, 38 vjeç, banues në Tiranë, i cili ndodhet në gjendje kritike për jetën, Lefter Canaj, 57 vjeç, banues në Tiranë dhe S. B., 34 vjeç, banues në Berat.
Materialet proceduriale iu kaluan Prokurorisë së Rrethit Tiranë, për veprat penale “Vrasje në rrethana të tjera cilësuese” dhe “Shkatërrim të pronës me zjarr”, parashikuar nga Nenet 79/dh dhe 151 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
