Gjykata e Posaçme, masat e sigurisë për 26 personat nën hetim për trafikun në kufi. Kush u la në qeli

Prokuroria e Posaçme kundër Korrupsionit dhe Krimit të Organizuar ka kërkuar nga GJKKO vlerësimin e masës së sigurimit personal ndaj personave nën hetim Bashkim Sula, Njazi Ademaj, Ylli Brahimaj, Gridi Elezi, Rrezart Domi, Osman Luca, Jugert Gashi, Emiljan Marashi, Roland Islamaj, Arnold Shahu, Ylli Çaushaj, Bardhyl Imeri, Bajram Xhaja, Fatmir Stankovam, Xhelil Alla, Maksim Domi, Artur Mici, Behar Rexha, Arben Rushiti, Deila Qama, Besnik Lumaj, Redi Salaj, Behar Nuhiallari, Altin Neli, Artid Shtylla dhe Dritan Cena.

Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, vendosi zbatimin e masës së sigurimit personal me karakter shtrëngues ‘Arrest në burg” ndaj personave nën hetim:
– Bashkim Sula, i dyshuar për kryerjen e veprave penale “Ndihma për kalim të paligjshëm të kufijve”, e kryer në bashkëpunim në formën e grupit të strukturuar kriminal; “Falsifikimi i dokumentave” e kryer në bashkëpunim në formën e grupit të strukturuar kriminal; “Grupi i strukturuar kriminal”; “Kryerja e veprave penale nga organizata kriminale apo grupi kriminal”. Me të njëjtën masë i ndëshkuan edhe Njazi Ademaj, Ylli Brahimaj, Gridi Elezi, Rrezart Domi, Osman Luca, Jugert Gashi, Emiljan Marashi, Roland Islamaj, Arnold Shahu, Ylli Çaushaj, Bardhyl Imeri, Bajram Xhaja, Fatmir Stankovam, Xhelil Alla, Maksim Domi, Artur Mici, Behar Rexha, Arben Rushiti.

Gjykata vendosi zëvëndësimin e masës së sigurimit personal “Arrest në burg” me arrest në shtëpi ndaj të personit nën hetim Deila Qama dhe Arnold Shahu.

Vazhdimin e zbatimit të masës së sigurimit personal me karakter shtrëngues ‘Arrest në shtëpi” për Dritan Cena, Redi Salaj, Behar Nuhiallari, Altin Neli, Artid Shtylla

Ndaj personit nën hetim Besnik Lumaj u vendos masa “Detyrimi për tu paraqitur në Policinë Gjyqësore”.m.k

/DRONI.al/