Politikani i shquar gjerman rikthehet më Tiranë, Elmar Brok protestë me demokratët tek shtëpia e Berishës

Elmar Brok, një ndër politikanët më të shquar kristiandemokratë të Gjermanisë u rikthye në Tiranë pas shumë vitesh, kësaj here në protestë me demokratët para shtëpisë së Berishës.

Ai ka zgjedhur të ndajë ditëlindjen së bashku me protestuesit, sic tha Berisha, si një ogur shprese, si një mbështetje e fuqishme e idealeve tona evropiane.

“I shpreh mirënjohjen më të pakufishme mikut të shquar të kombit shqiptar, personalitetit të njohur të partisë së Helmut Kohlit, ish-drejtuesit prej rreth 20 vitesh të Komisionit të Politikës së Jashtme, Sigurisë dhe të Drejtave të Njeriut në Parlamentin Europian, zotit Elmar Brok.

Ai na ka nderuar sot në një ditë të veçantë të jetës së tij.
Ka zgjedhur të ndajë ditëlindjen së bashku me ne si një ogur shprese, si një mbështetje e fuqishme e idealeve tona evropiane, e përpjekjeve tona për integrimin e Shqipërisë në Europë”

Në vijim Berisha rrëfeu se Elmar Brok ndihmoi kur PS vodhi zgjedhjet e vitit 2001. Bashkë me të, ne e kthyem Shqipërinë në rrugën e duhur, tha Berisha, ndërsa përshëndeti edhe kreun e PL, Ilir Meta.

“Të dashur miq, duhet të përshëndes këtu sonte praninë e kryetarit të Partisë së Lirisë, fjalën e tij dhe të gjithë oratorëve që folën këtu nga ky parlament i lirisë.
Miqtë e mi, njohja ime, miqësia ime me Elmar Brok daton në përpjekjet tona më të fuqishme për integrimin e Shqipërisë në BE dhe NATO.
Unë kam kënaqësinë të informoj shqiptarët, se në një moment kritik për historinë e vendit, kur vota e shqiptarëve në vitin 2001, u rrëmbye, rezultati u përmbys, Shqipëria po vidhisej në honet e historisë, humbi rrugën evropiane të saj, bashkë me zotin Elmar Brok, me ndihmën e tij, ne rikthyem Shqipërinë në rrugën e duhur, në drejtimin e saj evropian.
Do mbetet në analet e historisë ftesa dhe organizimi nga ana e tij të dëgjesës të partive politike shqiptare në Parlamentin Europian.
Rezoluta e këtij komisioni dhe parlamenti, që i kërkonin PS-së të mos zgjedhë presidentin me votën e vjedhur, se Parlamenti Europian nuk do ta njohë kurrë.
Elmar Brok ishte protagonist i kësaj iniciative dhe për dijeninë tuaj, një hearing ishte organizuar vetëm një herë për Ahmet Masudin dhe herën e dytë për Sali Berishën dhe shqiptarët”, tha Berisha. r.p

/DRONI.al/