Një shqiptar, identiteti i të cilit ende nuk bëhet i ditur, ka gjetur vdekjen në një aksident me makinë në Itali.
Aksidenti ka ndodhur në komunën e “Piazzola sul Brenta”, në Padova rreth orës 6:30 të mëngjesit. Shqiptari po udhëtonte me një makinë “Opel Corsa”.
Ai ka qenë duke ecur në korsinë e kundërt kur është përplasur me një kamion. Drejtuesi i kamionit është munduar të shmanget por përplasja ka qenë e paevitueshme, raporton Klantv.
Pas goditjes kamioni ka përfunduar në kanal, ndërsa makina e shqiptarit ishte dëmtuar sa që u desh ndërhyrja e zjarrfikësve për ta nxjerrë trupin e shqiptarit. Ai nuk ka pasur asnjë mjet identifikimi me vete. Pas aksidentit, rruga është bllokuar për disa orë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
