Një shqiptar 29 vjeç i identifikuar me emrin Renato Alijaj gjendet i shtruar në gjendje të rëndë shëndetësore në repartin e terapisë intensive në spitalin Cardarelli të qytetit të Napolit në Itali, pasi është goditur nga një pushkë gjahu.
29-vjeçari shqiptar është braktisur i plagosur rëndë nga një makinë tip BMW në hyrje të klinikës “Villa dei Fiori” në komunën Acerra rreth orës 4.30 të mëngjesit të ditës së martë.
Gjëndje shëndetësore mjaft kritike e shqiptarit ka detyruar transferimim e tij në spitalin Cardarelli të Napolit.
Hetime e para të Policisë italiane informojnë se në automjetin BMË së bashku me shqiptarin po udhëtonin dhe dy persona të tjerë me fytyrat e mbuluara me maska.
Supozohet se shqiptari Renato Alija është pjesë e një bande grabitësish që gjatë natës së martës është plagosur rëndë gjatë një vjedhje të përfunduar keq dhe e kryer në provincën e Napolit.
29-vjeçari Renato Alija deri më vitin 2014 rezulton rezident në qytetin e Peruxhias, e më pas nuk ka asnjë të dhënë mbi vendbanimin e tij në Itali.
Gjendja shëndetësore e shqiptarit është mjaft e rëndë e deri më sot asnjë i njohur apo familjarë i shqiptarit është interesuar në spitalin e Napolit.
Policia italiane po punon për zbardhjen e kësaj ngjarje dhe gjetjen autorit që ka qëlluar me pushkë gjahu shqiptarin.
EMRI/ Itali, shqiptari i plagosur me armë braktiset në hyrje të spitalit në Napoli
