Një i ri 21 vjeç ra sot nga tarraca e biznesit të tij duke pësuar dëmtime të mëdha.
“Rreth orës 16:00, në spitalin rajonal të Lezhës, është dërguar për të marrë ndihmë mjekësore, shtetasi K. Ç., 21 vjeç, banues në Torovicë, i cili dyshohet se ka rënë aksidentalisht nga tarraca e biznesit në pronësi të familjarëve të tij”, njoftoi policia e Lezhës.
21-vjeçari po transportohet në Spitalin e Traumës, Tiranë, për të marrë ndihmë të specializuar mjekësore, dhe aktualisht është në gjendje të rëndë shëndetësore.
Grupi hetimor vijon të punojë për sqarimin e rrethanave të rastit. m.k
