Partia Demokratike ka thirrur sot në protestë mbështetësit e saj në një demonstratë 60 minutëshe në të gjithë Shqipërinë. Sipas raportimeve, do të bllokohen disa nga pikat dhe akset kyçe ndërlidhëse në vend në mbështetje të kauzës së opozitës.
Nga ana tjetër, mësohet se Policia ka vënë në aplikim teknologjinë e fundit, për fiksim, filmim dhe identifikim të personave në protestë.
Ndërkohë, ekspertë të huaj të misioneve europiane dhe amerikane që asistojnë Policinë e Shtetit do të monitorojnë sot protestën e opozitës që pritet të nisë në orën 11:00. Burime zyrtare nga Policia bënë me dije se këta ekspertë kanë trajtuar blutë për menaxhimin e tubimeve. Ata do të mbështesin me këshilla dhe teknologji punonjësit e policisë për monitorimin e situatës. Po ashtu, asistencë do të këtë edhe për dokumentimin e protestës dhe reagimin për çdo situatë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
