Berisha: Prokurimet e hapura të Berishës kanë transformuar Shqipërinë. Kurse ti i bën pa garë në kundërshtim me ligjin

Kreu i PD, Sali Berisha tha sot se Prokurimet e hapura të Sali Berishës kanë transformuar Shqipërinë. Kurse Rama i bën në errësirë, pa garë në kundërshtim me ligjin

“Në 8 vite Sali Berisha ka firmosur 7500 vendime, ligje të Këshillit të Ministrave dhe urdhra të kryeministrit.
Nxirri të gjitha një e nga një dhe i ke nxjerrë se me ato larot e tu, vite e vite nuk ke bërë gjë tjetër veç duke i kontrolluar ato.
Edi Rama me larot e tu në Skap, ke quajtur shkelje ligjin apo vendimin e rikthimit në përdorim të bonove të privatizimit, të cilat çdo qeveri, në çdo vend që i prodhon i ripërtërin përdorimin e tyre në mënyrë periodike siç bëri javën e kaluar, organizata kriminale e Edi Ramës.
Edi Rama ai vendim i vitit 2009 u mor 1 muaj pasi familja Begeja kishte paguar mbi 90% të të gjithë detyrimeve që kishte për parablerjen e objekteve i kishte paguar në lekë.
Mbetja ishte për dhëndërrin e Sali Berishës, gjithsej 64 euro letra me vlerë.
Edi Rama ti ke firmosur për ti dhënë kompanisë tënde dhe të Erion Veliajt 8 pikë, një vit para se ta regjistronit në Qendrën Kombëtare të Biznesit.
Dhe çmimi është i tmerrshëm., qindra milionë”, tha Berisha.

Në vijim kreu i PD tha se si kryeministër ka firmosur me dhjetëra e qindra prokurime, por asnjë, asnjëherë pa garë të hapur, por vetëm me garë të hapur.

“Ato prokurime me garë të hapur kanë transformuar Shqipërinë nga Hani i Hotit në Gjirokastër, autostrada, superstrada, Rruga e Kombit.
Ato prokurime me garë të hapur kanë bërë të mundur ndërtimin gjer tani të mbi 100 HEC-eve që prodhojnë 60% të energjisë në Shqipëri.
Që të gjitha me garë të hapur, me pjesëmarrjen e kompanive më të mëdha.
Kurse ti në errësirë, pa garë në kundërshtim me ligjin, hajdut i shpifur si ti, nuk ekziston ndonjëherë.
Edi Rama ke tmerr nga Sali Berisha, sepse kur kthen kokën mbrapa shikon se ke lënë kudo, krim, vjedhje, vjedhje, krim.
Kurse Sali Berisha, shikon autostradat, Shqipërinë në NATO, shikon TAP, projektin e shekullit, kaskadën e Devollit.
Rikujton qytetarët me rroga të dyfishuara dhe më shumë, investimet publike”, tha Berisha. r.p

/DRONI.al/