Pas goditjet spetakolare të drogës së Lazaratit metastazat e cannabisit morën dhenë anembanë territorit që quhet Shqipëri. Për herë të parë nuk dëgjuam që mbi këtë tumor lazaratas nuk ka nevojë për kimioterapi në tere vendin. Pamjet e publikuara sot në TV, dhe gjatë javës së shkuar janë ngjethëse.
Kudo parcela të mbjella në të gjithë territorin e vendit. Nga Veriu në Jug. Nga malësia e Shkodrës, në malësinë e Vlorës, te Krujës, të Tepelenës, e kudo. Gjethet jeshile gjallojnë si gjemba të ngrehur, gati për të shpuar hundët e rinisë konsumatore. Lartësia e saj po mbulon policët, e gazetarët investigativë që bëjnë foto e dërgojnë lajme nga parcelat e saj.
Qentë e drogës në pikat doganore janë të lodhur. Era e cannabisit i ka dehur.
Ç’të bëjmë?
Vetëm me foto nga lart e shkulje nga poshtë nuk i dilet.
Nuk dua të jap më mënd. As nuk po hedh baltë. Por, propaganda e derisotme më bën të vjell. Kush e ka marrë përsipër, duket se nuk e bën dot.
Kërkohet një zgjidhje tjetër.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
