Ende nuk ka asnjë pistë në lidhje me vrasjen e boksierit të njohur shqiptar në Gjermani, Besar Nimani.
Sipas informacioneve të medias gjermane thuhet vetëm se ai ka pasur një mosmarrëveshje me disa persona por nuk është e qartë se për çfarë sherri bëhej fjalë. FOCUS online, mbështetur në burime policore shkruan se nuk supozohet se ky konflikt ka të bëjë me qarqe mafioze apo klane kriminale dhe se disa të dhëna tregojnë për një motiv personal.
Historitë me policinë të Nimanit
Nimani, babai i 3 fëmijëve ka pasur probleme me ligjin në disa raste sjelljesh të dhunshme.
Në vitin 2012-të, gjykata e Bielefeld e dënoi atë me 1350 euro gjobë pasi goditi një person në kokë.
Më 4 Gusht të 2013-s, në një restorant dynerësh, Nimani dhe njerëzit e tij u përplasën me një grup turqish. Kjo ishte hera e dytë që mes tyre kishte përplasje.
Përgjatë sherrit një nga rojet e sigurisë nxjerrë pistoletën dhe duke e lënë Nimanin të plagosur me armë zjarri në këmbë.
Në shkurt të 2016-s, bashkëshortja e tij thirri policinë për shkak se po ushtronte dhunë ndaj saj. Ai u arrestua pa bërë rezistencë.
Ndërsa vitin e shkuar, në makinën e 38-vjeçarit policia zbuloi një arsenal armësh, gjatë një kontrolli në Bavari. Në atë kohë, ai i tha policisë se armët i kishte për vetëmbrojtje.
Historia
Ish-kampioni i boksit, emigroi në Gjermani në vitin 1997. Ai numëronte 26 fitore dhe vetëm 1 humbje dhe u tërhoq nga ky sport në vitin 2019.
Ai u qëllua nga dy persona sapo parkoi makinën në qytetin ku jetonte.
Fillimisht mes palëve pati një debat me tone të larta. Më pas, ata hapën zjarr në drejtim të 38-vjeçarit Besar Nimani, duke e qëlluar të paktën 10 herë. Autorët më pas u larguan nga vendngjarja në këmbë.
“Vëllai im Besar Nimani u vra sot në një atentat në Bielefeld, Gjermani. Zoti e bashkoftë me ne në parajsë. Do të jem gjithmonë krenar për ty. Të dua”, shkruan në rrjete sociale vëllait të i ish-boksierit 38-vjeçar nga Kosova, ku njoftonte vdekjen e tij. r.r
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
