SKANDAL/ Në kohën e PD 16 km rrugë 1.5 milionë euro, sot 14 km rrugë 3.2 milionë euro

Për të dytën ditë radhazi, Edi Rama, çuditërisht po “promovon” ca gjysma segmentesh rrugësh rurale, të pretenduara të ndërtuara për tre vjet nga qeveria që ai drejton.
Përpos termave që ai demonstron se nuk i dallon dot, sikurse “unaza” e Myzeqesë quan tre segmente rruge në formën e germës “T”, rrugët rurale të tenderuara sot, kanë një kosto më se dyfish më të shtrenjtë se në kohën e PD-së.
Kreu i degës së kësaj partie në Lushnje, Myslim Murrizi, ka denoncuar sot, jo vetëm “gafën e kryeministrit me rrugën në formë “T” për “unazë, por edhe një skandal financiar.
Ndërsa tre segmentet e promovuara sot, janë tenderuar në kohën e PD, dhe ato 16 km janë realizuar për 2.1 miliardë lekë të vjetra (1.5 milionë euro), sot 14 km rrugë të tjera rurale, janë tenderuar dhe “fituar” për 3.2 milionë euro.

Denoncimi i plotë i kreut të PD-së së Lushnjes, Myslim Murrizi

“Pashë sot një postim të kryeministrit që kjo qeveri paska bërë një unazë në Myzeqe prej 16 km rrugë.
Së pari nuk di si quhet unazë tre segmente të ndryshme që në fakt kanë forme T.
Segmenti i pare z Kryeminister është nga rrotondo e Grabianit deri në Tre Ura, 4.3 km që ka qenë rrugeë e asfaltuar por është bërë vetëm një metër zgjerim.
Segmenti i dyte është Tre Ura – Gërmej Çok prej 6.7 km që ka mbaruar para 3 muajsh. Dhe një segment tjetër Çerme Sektor – Tre Ura prej 5.5 km ka qenë rrugë çakulli dhe është asfaltuar.
Të gjitha këto tre segmente janë ndërtuar nga firma ALBA KONSTRUKSION me vlerën 2.1 miliardë lekë (të vjetra). Ishte po kjo firmë që hyri në tender për 14 km të tjera me vlerë 2.2 milion euro por Ju ja dhatë një tjetri me 3.2 milion euro se ishte më afër me ju.
Për 3 vjet kë ndërtuar vetëm dy segmente e gjysmë dhe menjëherë në propagande. Unaza janë ndërtuar gjatë qeverisjes së PD që lidhin banorët e Myzeqësë nga ‘Klubi i Shoferit’ në Divjakë dhe nga ‘Klubi i shoferit’ në Fiershegan, nga Lushnja në Hyzgjokaj, nga Fiershegani në Belsh pra mbi 100 km rrugë nëpër fshatra pa përmendur rrugë nëpër fshatra të ndryshëm , se rrugët nacionale nuk ka nevoje ti përmend unë”.

/DRONI.al/