Është ndarë nga jeta papritur sipërmarrësi Dritan Mezini. Ai ishte i njohur për nisma në fushën e komunikimit dhe dixhitalizimit sidomos në tregun e punës.
Për humbjen e tij ka reaguar edhe kryeministri Edi Rama.
”Nuk e besoj dot që Dritan Mezini nuk është më sot, teksa dje pasdite ishte me ne në tryezën e Këshillit Ekonomik Kombëtar.
Nuk e njihja personalisht nga afër, por fjalët për të ishin gjithnjë të mira dhe fjalët e tij ishin gjithnjë interesante. Një anëtar i spikatur i shumë organizatave, shoqatave, forumeve e platformave, njëkohësisht dhe një sipërmarrës i suksesshëm në fushën e teknologjisë së informacionit, si edhe një mentor i shumërespektuar për plot të rinj lidhur me inovacionin e me tregun e punës”, shkruan kryeministri Rama në rrjete sociale.
Besohet se Mezini humbi jetën si pasojë një ataku kardiak. Ai nuk vuante nga ndonjë sëmundje dhe deri në çastet e fundit ka pasë aktivitet normal. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
