Kryeministri Edi Rama mblodhi sot qeverinë tek Rana e Hedhun në Shëngjin ndërsa theksin e takimit e ka vënë në përmirësimin e punës të komisioneve parlamentare dhe një forcim të më tejshëm të partisë në bazë.
Në fjalën e tij kreu i grupit parlamentar Bledi Çuçi është fokusuar te seancat e shkuara plenare, duke i bërë një bilanc sa interpelanca janë zhvilluar, sa mocione me debat, projektligjet e depozituara në Kuvend, nga të cilat sa prej qeverisë e sa prej deputetëve.
Pjesë e disktutimit ishte vijimësia e jetës parlamentare pas incidenteve dhe bllokimit të opozitës. Ligjet në Kuvend që duan shumicë të cilësuar, si amnistia e të dënuarve apo të tjera nisma që duan 84 vota.
Qeveria do të zhvillojë mbledhjen edhe nesër por pa praninë e deputetëve dhe drejtuesve të PS.
Në mbledhjen e sotme ishte edhe Blendi Gonxhe, ministri më i ri i Ramës që do të drejtojë ministrinë me emër të papritur, ministria e Ekonomisë dhe Kulturës. a.b
