Ndahet nga jeta në mënyrë të papritur publicisti dhe përkthyesi Armin Tirana, miku i shumë mediave në Tiranë dhe kontributor me përkthime nga më të lexuarat në shtyp dhe media online.
Armin Tirana ka ndërruar jetë mbrëmjen e djeshme në moshën 57 vjeçare pas një goditje të beftë.
Armin Tirana ka punuar prej 17 vitesh në gazetën “Rilindja Demokratike” por edhe në gazeta të tjera e media online.
Në fillimet e Droni.al në vitin 2015 ai ishte po ashtu i pranishëm me artikujt dhe përkthimet e tij të spikatura.
Armini jetonte prej vitesh në Gjenevë me familjen ndërsa vijonte me përkthimet e tij.
Aemini i përket një familje të vjetër të kryeqytetit, djalë i Ali Tiranës, nip i familjes Vrioni.
Ndarja e shpejtë nga jeta e Arminit ka lënë në dhimbje familjen e tij, të afërmit, dhe shumë miq por veçmas ata me të cilët punoi për shumë vite.
Përcjellja e tij për në banesën e fundit u bë sot në mesditë.
Droni.al ndan dhimbjen me familjen e tij, miqtë e të afërmit dhe me shumë gazetarë që do ta kujojnë me nderim mikun e tyre, Armin Tirana. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
