Deputeti Gazment Bardhi, që mban edhe detyrën e Sekretarit të Përgjithshëm të PD, grupi i vulës, lajmëroi thirrjen e një mbledhjeje te kryesisisë së PD dhe grupit Parlamentar.
Kryesia e PD nuk mblidhet dot asnjëherë ndërsa grupi parlamentar ka vrtëm 19 deputetë nga 33 që ende nuk janë përjashtuar.
Njoftimi i Bardhit:
Nisur nga kërkesa e disa kolegëve anëtarë të Kryesisë së Partisë Demokratike dhe të Grupit Parlamentar, me qëllim vlerësimin e situatës politike dhe veçanërisht hapave që duhet të ndërmarrë Partia Demokratike e Shqipërisë për ringritjen dhe forcimin e saj, në përputhje me Statutin e Partisë kam vendosur:
– Thirrjen e mbledhjes së Grupit Parlamentar të Partisë Demokratike, ditën e hënë, datë 05.06.2023, ora 12:00.
– Thirrjen e mbledhjes së Kryesisë së Partisë Demokratike, ditën e martë, datë 06.06.2023, ora 17:00.
Me Rend ditë të të dyja mbledhjeve: “Diskutimi mbi situatën politike ne vend, dhe mbi procesin e riorganizimit të PDSh.”.
Secili anëtar i Grupit Parlamentar dhe Kryesisë së Partisë, do të shfrytëzojë kohën në dispozicion për të elaboruar dhe propozuar zgjidhjet më të mira për forcimin dhe riorganizimin e partisë.a.b
