Atë që Edi Rama nuk e ka bërë për “prindërit, gruan, fëmijët, të afërmit”, kur është sulmuar për shkak të pozicionit të tij, çuditërisht ka marrë përsipër ta bëjë për Famtir Xhafajn, duke e marrë në mbrojtje, sepse prej ditësh vëllait të tij i ka dalë emri si i implikuar në trafiqe ndërkombëtare droge.
Këtë, nuk dihet se pse, e ka bërë në një kohë të papërshtatshme, pikërisht mesnatës midis të enjtes e të premtes…, sigurisht me asgjë më shumë se me nja status në “Facebook”.
Ndoshta ka zgjedhur një orar të tillë “përgjumje” sepse ka dashur që “mesazhin e solidaritetit” ndaj Agron Xhafaj ta lexojnë sa më pak (për shkak të orarit ët vonë), por edhe me Fatmir Xhafajn të jetë në rregull.
Për Ramën, sulmi ndaj Xhafaj vjen për shkak të “të punës e të përkushtimit të jashtëzakonshëm për të çuar përpara Reformën në Drejtësi”.
Jo vetëm kaq, por Rama merr përsipër të shpërndajë” edhe “certifikatë pastërtie” për Agron Xhafajn kur shprehet se akuza ndaj tij (Agron Xhafajt) është “mbi një histori të sajuar këmbë e krye, për të vëllanë e Fatmirit. Një histori me drogë venezuelane, për babain e dy fëmijëve që është në punën e tij të ndershme…”.
Tingëllon çuditshëm vlerësimi superlativ i Ramës për Fatmri Xhafajn, kur ishte vetë ai që në negociatat me ekspozitën e zëvendësoi me Engjëll Agaçin, sekretarin e tij të Përgjithshëm në Kryeministri… Sikurse u fol, për çështje mosbesimi ndaj Fatmir Xhafajt…
Ndërsa pas vlerësimit me “certifikatë pastërtie” edhe për Agron Xhafajn, pritet që Edi Rama ta fusë në listën e deputetëve në parlamentin e vitit 2017… Fatmir Xhafaj nuk ka pse ti duhet më…, tashmë ka Engjëll Agaçin!
Edi Ramën s’e zë gjumi për vëllanë e Fatmir Xhafajt, poston një status solidariteti në mes të natës
