Veliaj i rrit pagat policëve bashkiakë, i përdor si sekserë votash, shkel ligjin zgjedhor

Kreu i bashkisë së Tiranës rriti rrogat e ‘sekserëve të votave’, policëve bashkiakë, brenda fushatës zgjedhore në kundërshtim me ligjin zgjedhor.

Një ditë më parë Erion Veliaj lajmëroi rritjen e pagave të policëve por nuk tha sa do të rriten ndërkohë që solli si argument gjetjen e dy fëmijëve të humbur ditën e verës, që nuk u gjetën nga policët bashkiakë siç tha pinoku i bashkisë, por nga qytetarë që njoftuan policinë.

“Ka ardhur koha që pas kaq vitesh ata njerëzit që strapacohen më shumë, që hanë më shumë të sharat, edhe për fajin tonë dhe për këtë kërkoj ndjesë, të shpërblehen. Kur shoh që humbet një fëmijë në Tiranë, “Dita e Verës”, pafund njerëz në shesh dhe për 1 orë jo vetëm që gjendet fëmija dhe pushon së qari, – është gjithmonë një zonjë aty që arrin edhe nga ana psikologjike ta qetësojë sa të vijnë prindërit, – por brenda orës gjenden prindërit edhe në qoftë se janë në një periferi, nëse e kanë harruar, apo në qoftë se i ka marrë ajo vala e entuziazmit. Në gjithë “Ditën e Verës” me 100 aktivitete kishim dy raste që brenda pak minutash arritëm t’i gjenim”, tha Veliaj.

Kryebashkiaku u shpreh se trupa e kësaj policie ka ndryshuar dhe është përmirësuar shumë në vite, duke veçuar faktin se në të kanë hyrë edhe mjaft gra e vajza.

Policia Bashkiake e Tiranës është një nga strukturat më të kprruptuara të sistemit po ashtu korruptiv të bashkisë së Tiranës. Nën kundesin e policisë bashkiake, banditë, trafikantë dhe korruptues kanë zaptuar sipërfaqe e hapësira të përbashkëta në gjithë Tiranën. Policët vetëm mbledhin paratë. Nëse i thërret në telefon nuk ta hapin kurrë, nëse u flet në rrugë për shkeljen ata shmangen dhe nëse u nis të dhëna të raportojnë tek banditi. a.b

/DRONI.al/