Trageti “Claudia” i linjës Durrës-Ankona këputi litarët sot në Portin e Durrësit duke u shkëputur disa metra nga kalata duke krijuar probleme te sigurisë dhe për mjetet e tjera të akostuara në Port.
Ka patur një shkëputje të cimave (litarët që lidhin tragetin me kalatën), ndërsa i menjëhershëm reagimi i kapitanerisë, rimorkiatorëve dhe pilotëve.
Vetëm në 30 minuta situata u normalizua falë reagimit të menjëhershëm të autoriteteve, pilotëve, rimorkiatorëve dhe ekuipazhit të tragetit. Imbarkimi i pasagjerëve po vijon normalisht, njoftoi drejtoria e Përgjithshme Detare.
Detajet:
Sot në orën 18:21 në portin e Durrësit ka ndodhur një incident. Si rezultat i erës forte qe shkoi 35 m/s ne port, trageti A/F CLAUDIA ka këputur cimen e djathte dhe ka prekur bankinën nga ana e ish portit te peshkimit. Menjëherë kane hyre ne veprim dy rimorkiatoret te cilët kane shmang përplasjet, dhe trageti CLAUDIA është lidhur përsëri ne bankine me cima te tjera. Theksojmë se Trageti A/F Claudia nuk ka pasur te imbarkuar pasagjere dhe automjete ne çastin e incidentit. Pas lidhjes dhe mbajtjes me dy rimorkiatorë ka filluar puna për imbarkimin e mjeteve ne traget. Njoftojmë se ne këto çaste trageti A/F Claudia ka dalë nga porti Durrësit dhe është nisur për Ankona. Gjithashtu te gjithë pasagjerët që do udhëtojnë sonte me linjat Durrës-Bari dhe Bari-Durrës se tragetet do vazhdojnë normalisht ne linjat sipas orareve te përcaktuara ne grafik.
Drejtoria e Përgjithshme Detare
