Një banesë ka rënë pre e grabitjes në orët e para të mëngjesit, rreth orës 01.20. Burimet e policisë bëjnë me dije se është njoftuar se është vjedhur banesa e shtetasit Zef Beka, banues në Ishull Shëngjin, i cili është këngëtar i muzikës popullore.
Menjëherë në vendngjarje ka mbërritur grupi hetimor që kanë konstatuar se 3 persona të maskuar, me anë të dhunës kanë vjedhur shumën monetare prej 1.500.000 lekë të reja si dhe një mjet Golf 5 në pronësi të këngëtarit.
Falë veprimeve të shpejta hetimore ky mjet është lokalizuar dhe po ndiqej nga policia, por autorët e dyshuar të gjendur nën presionin e ndjekjes, kanë braktisur mjetin i cili është gjetur i rrëzuar në një kanal anë rruge dhe autorët e dyshuar janë larguar duke përfituar nga errësira. Janë shoqëruar disa persona si dhe janë sekuestruar disa sende në cilësinë e provave materiale. Punohet për identifikimin e kapjen e autorëve për veprën penale “Vjedhja me dhunë, kryer në bashkëpunim”, parashikuar nga neni 139 – 25 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
