Komiteti i Parlamentit Evropian Çështje të Brendshme në Bruksel i hapi dritën jeshile liberalizimit të vizave për Kosovën jo më vonë se 1 Janari i vitit 2024.
Ky është votimi i parë në vargun e votimeve që pritet të ndodhin në javët në vijim, e që do të çojnë deri te vendimi përfundimtar për heqjen e regjimit të vizave për qytetarët e Kosovës.
Pas këtij votimi, vendimi për liberalizimin e vizave duhet të votohet edhe në seancën plenare të Parlamentit Evropian.
Në fund, duhet të votojnë edhe ministrat e brendshëm të shteteve anëtare të BE-së, kur edhe përfundojnë procedurat dhe ky vendim shpallet në Gazetën Zyrtare.
Pritet që qytetarët e Kosovës do gëzojnë lëvizjen e lirë pa viza, paralelisht me funksionalizimin e sistemit informativ evropian ETIAS, e në çdo rast, kjo do të ndodhë jo më vonë se më 1 janar të vitit 2024.
Kosova është i vetmi shtet në rajonin tonë, qytetarët e së cilës nuk mund të udhëtojnë pa viza për në vendet e BE-së. Komisioni Evropian që nga viti 2018 kishte konfirmuar përmbushjen e kritereve për liberalizimin e vizave, por vendimi përfundimtar u mbajt pezull nga Franca dhe Holanda.tvklan
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
