Në logon e One shkruhet “çdo ditë më mirë”, por po bëhet çdo ditë më keq.
Një abonent i One telecommunications na shkruajti sot se vijon të grabitet nga kjo kompani prej disa muajsh.
Abonenti nuk ka rinovuar kontratën për shërbimin home net duke kërkuar mbylljen e shërbimit që në shtator 2022. Mbylljen e kontratës e ka bërë në dyqanin e One që ndodhet në ish bllok në Tiranë. Por pavarësisht kësaj ai është tarifuar edhe tre muaj rresht për këtë shërbim.
Abonenti është ankuar disa herë si në dyqan edhe në tel 142, që është recepsioni i One për çdo problem.
Edhe dyqani edhe specialistët e call center e kanë përcjellë me email dhe shënime në llogarinë e abonentit shqetësimin e tij.
Por sërish është tarifuar në tetor, nëntor, dhjetor dhe abonenti ka vendosur mos ta paguajë më këtë tarifë duke ridërguar edhe njëherë ankesën përmes dyqanit.
Më 29 dhjetor, sot, telefoni i mbyllet pa paralajmërim. Në fakt është nisur një email në orën 5 të mëngjesit por nuk ka mundur të lexohet pasi sëbashku me tel i është mbyllur edhe interneti. Abonenti ka humbur thirrje dhe takime të rëndësishme për shkak të këtij bllokimi të paarsyeshëm nga ana e One, po aq edhe te palajmëruar.
Megjithatë abonenti ka shkuar dhe kryer pagesën por telefoni nuk i është hapur gjatë ditës.
Përveçse e vjedh abonentin përmes tarifash për shërbime të pakontraktuara, i bllokon edhe aktivitetin në një ditë pune.
Abonenti është me kontratë, çdo muaj paguan shumë më tepër se sa shpenzon por ruan këtë formë abonimi për shërbim të sigurtë. Ndërkohë është abonent i One që prej 20 vitesh duke paguar për këtë kohë kësaj kompanie mbi 25 mijë euro telefon.
Kanë katër muaj që justifikohen me probleme të serverit apo softeve. Ndërkohë kanë krijuar në sytë e qeverisë dhe autoritetit të konkurencës situatën dyopol bashkë me Vodafonin, duke shkelmuar klientët që janë të detyruar të përmbushin dhunën psikologjike dhe financiare të kompanisë One.
AKEP që është rregullator nuk është në krah të qytetarëve por në krah të oligopolit.
Droni.al ka nisur ndërkohë edhe një investigim për faturat e pafiskalizuara që lëshojnë dyqanet e One për klientët e tyre, bile disa metra larg drejtorisë së Tatimeve. r.e
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
