Mundësitë të zbardhet shpejt vrasja e Edmond Papës janë të larta sipas drejtuesit të Policisë së Tiranës, Tonin Vocaj.
“Për hetimin e kësaj ngjarjeje të rëndë kriminale, po funksion një grup i posaçëm hetimor. Shpresojmë që hetimi të sjellë rezultate pozitive të cilat do t’ua bëjmë të njohura në momentin e duhur”, tha Vocaj.
Grupi i hetimit për shkak të lidhjeve të viktimës me botën e krimit në shtetin grek ka kërkuar informacion për kontaktet e tij atje dhe për të qartësuar nëse ngjarja e ndodhur në zonën e Selitës ka lidhje me ekzekutimin me lëndë plasëse të Aleksandër Sadikajt disa muaj më parë dhe vrasjen e dyfishtë në Greqi.
Papa u qëllua më disa plumba pak minuta pasi ishte ulur në një lokal pranë banesës së vëllait të tij, teksa dyshohet se ai ndoq për disa javë nga atentatorët. a.b
