HISTORIA 2011/Si dështoi propozimi i Sorosit për ndërmjetës mes Berishës dhe Ramës

Në foto, ndërmjetësi mes Berishës dhe Ramës, politikani gjerman Shvarc Shiling

Letra e Soros për Hilari Klinton kërkonte një ndërmjetës mes Berishës dhe Ramës i cili duhej të ishte një nga tre emrat e propozuar në e-mail.

Në fakt asnjëri prej tyre nuk ka qenë ndërmjetës mes kryeministrit të atëhershëm Sali Berisha dhe kreut të opozitës se atij viti, Edi Rama.

Në fund të vitit të kaluar droni.al ka invetiguar në lidhje me diplomacinë e 21 janarit të vitit 2011 dhe ka gjetur se ka pasur një negociator mes Berishës dhe Ramës pas protestave të 21 janarit por nuk eshte pranuar ndonje prej propozimeve që Soros i bëri sekretares së Shtetit, Hilary Klinton.

Po ashtu droni.al mësoi edhe emrin e tij.

“Ai ka qënë një politikan i njohur gjerman, deputet, ish ministër në qeveritë e kancelarit Helmut Kohl dhe njohës shumë i mirë i Shqipërisë por edhe i problemeve ne rajon.

Emri i tij është Shvarc Shiling i cili kreu disa takime në Tiranë dhe Berisha caktoi një prej këshilltarëve të tij që të ndiqte procesin e ndërmjetësimit. Qëllimi ishte ndalimi i protestave të dhunshme dhe garancia nga Berisha që nuk do të ndërmerrte nisma kundër krerëve të opozitës së atëhershme në funksion të akuzës për protesta të paligjshme dhe dhunshme.

Në përfundim të ekspertimit të tij, Shiling bëri një raport ku identifikonte problemet që kishin cuar në përplasje dhe në fakt konsideronte si shkaktar kryesor opozitën.

Ajo cfarë u vu re pas 21 janarit ishte ndërprerja e protestave dhe fillimi i hetimit të vrasjeve përpara Kryeministrisë”, thuhet në shkrimine droni.al para pak muajsh.

Në emailin e tij për sekretaren e shtetit Hillary Klinton, Gorge Soros kërkon emërimin e një ndërmjetësi evropian mes Berishës dhe Ramës. Soros propozoi 3 emra që sipas tij janë njohës të mirë të cështjeve në Balkan. I pari ishte Karl Bild i cili në vitet 90 ka qenë i dërguari i lartë i BE në Bosnjë, Marti Ahtisari i cili ekspertoi procesin e pavarësimit të Kosovës dhe Miroslav Lajcak ish-ministër i jashtëm sllovak.

/DRONI.al/