E la pa jetë 51 vjeçaren pas goditjes me makinë, bie në pranga. Edhe 11 të arrestuar të tjerë në Tiranë

Vihen në pranga 12 shtetas, për vepra të ndryshme penale.

Policia prangosi R. T., 38 vjeç, banues në Tiranë, pasi duke drejtuar automjetin, ka aksidentuar shtetasen Sh. A., 51 vjeçe, e cila si pasojë e aksidentit ka humbur jetën.

Në vijim janë detajet për arrestimet e 11 personave të tjerë:

Specialistët e Seksionit për Hetimin e Narkotikëve arrestuan shtetasin A. A., 19 vjeç, banues në Tiranë, pasi gjatë kontrollit fizik nga shërbimet e Policisë, iu gjetën dhe iu sekuestruan, në cilësinë e provës materiale, sasi lënde të dyshuara narkotike të llojit kokainë dhe kanabis.

Specialistët për Hetimin e Krimeve të Komisariatit të Policisë Nr. 3 arrestuan shtetasin A. H., 23 vjeç, banues në Bathore, pasi i ka vjedhur varësen shtetasit S. B., 25 vjeç.

Specialistët për Hetimin e Krimeve të Komisariatit të Policisë Nr. 6 arrestuan shtetasin E. B., 40 vjeç, banues në Tiranë, pasi gjatë një konflikti për motive të dobëta, ka goditur me mjet prerës shtetasin R. G., 35 vjeç, i cili si pasojë është dëmtuar dhe ndodhet në spital, nën kujdesin e mjekëve.

Specialistët për Hetimin e Krimeve të Komisariatit të Policisë Kavajë arrestuan shtetasit L. Gj., 51 vjeç, dhe M. V., 38 vjeç, të dy banues në Shtodher, Kavajë, pasi kanë vjedhur disa produkte në subjektin ku ishin të punësuar.

Specialistët e Qarkullimit Rrugor arrestuan shtetasit:

– E. S., 42 vjeç, R. Z., 55 vjeç, E. S., 25 vjeç, L. Xh., 34 vjeç, D. C., 40 vjeç dhe V. Gj., 20 vjeçe, pasi u kapën duke drejtuar automjetet, nën efektin e alkoolit;

Materialet i kaluan Prokurorisë, për veprime të mëtejshme procedurale. r.k

/DRONI.al/