Kreu i Sindikatës së Pedagogëve Sandër Kovaçi tha sot se ka ardhur koha dhe nevoja për një platformë të re universitare.
Të mërkurën, 26 tetor, ai lajmëroi një forum për të diskutuar rreth saj dhe se mësimi do të vijojë të bojkotohet.
“Derisa të marrin udhë plotësimi i kërkesave të profesoriatit dërguar autoriteteve. Procesi i ndjekjes së peticionit e protestat kanë nxjerrë në dritë nevojën për një platformë të re universitare. Nesër në orën 11 do të jetë një forum i gjerë me Profesoratin, pedagogë, studentë, aktivistë, gazetarë. Ditë e rëndësishme për të përfshirë idetë e zgjeruara të këtij grupimi, do jepet në forum përmbledhje e ideve që do përfshihen më pas në një platformë të re të universiteteve.
Bojkot i përgjithshëm i mësimit dhe pjesëmarrje e përgjithshme në këtë Forum”, tha kreu i sibdikatës. a.b
