200 milionë euro pritet të jetë dëmi që i shkaktohet shtetit shqiptar nga kontrata korruptive apo me shkelje dhe orishje kontratash me kompani shqiptare dhe të huaja.
22 milionë euro janë gjobat e vendosura prej padive të ngritura në Gjykatën e Strasburgut dhe mbi 176 milionë euro të tjera nga gjykatat e arbitrazhit.
66 milionë euro janë vendime përfundimtare që duhen paguar tani ndërsa 110 milionë euro janë ndarë nga buxheti për procese ku shteti shqiptar ka humbur, por vendimet janë apeluar. Bëhet fjalë gjyqin e fituar nga biznesmeni italian, Francesco Becchetti.
Rreth 15 milionë euro në totalin e shumës së ndarë për pagesat e gjobave në arbitrazh janë kostot e përfaqësimit.
Në çështjen Becchetti janë shpenzuar 3 milionë euro për konsulencë ligjore.
