Cilat janë datat kyçe të procesit të primareve, 2 javë për garën mes kandidatëve

PD ka bërë të ditur datat kyçe që përshkrojnë procesin e primareve.

Duke filluar nga sot 18 tetor dhe deri më 6 nëntor janë negociatat me aleatët dhe evidentimin e kandidaturave.

Nga data 6 nëntor deri më 13 nëntor Këshilli Kombëtar filtron kandidaturat dhe më pas bëhet publikimi zyrtar i emrave.

Kandidatët e përzgjedhur do të kenë dy javë kohë për të bërë fushatën e primareve dhe në datën 4 dhjetor do të zhvillohen primarët në të gjithë Shqipërinë.

Afatet për procesit e primareve u vendos në mbledhjen e sotme të Kryesisë së PD.

“Sot jemi mbledhur për miratimin e udhëzuesit që ka të bëjë me modalitet e pjesëmarrjes së simpatizantëve në primaret për zgjedhjet e pushtetit vendor 2023. Mbledhja është në përputhje me përcaktimet statuore.

Udhëzuesi ka edhe datat për veprime konkrete. Janë zhvilluar dhe do të zhvillohen takime me aleatët për të gjetur gjuhën e përbashkët. Kanë sugjerime të drejta. Theksoj se mirëpriten të gjitha sugjerimet e tyre dhe kandidaturat e tyre.”, tha nder te tjera Berisha.m.k

/DRONI.al/