Vendosen të falin dhe i shtrinë dorën e pajtimit njëra-tjetrës. Kështu i dhanë fund gjakmarrjes dhe lanë pas të shkuarën, familja Bregu dhe ajo Miruku në qytetin e Shkodrës.
Zgjodhën këtë mesazh të bukur faljeje, për të ftuar edhe familjet e tjera të prekura nga fenomeni i gjakmarrjes që të ndjekin rrugën e tyre, duke ndalur njeherë e përgjithmonë gjakderdhjen.
Ka qenë djali i familjes, Erjon Bregu, që vendosi të falë gjakun e babait, duke i shtrire dorën e pajtimit familjes Miruku, me të cilën prej disa vitesh ishin në hasmëri.
Kryetari i Shoqatës së Pajtimit të Gjaqeve, Nikoll Shullani, zgjodhi këtë moment për të dhënë edhe një mesazh të fortë, se si kanuni po keqinterpretohet duke u drejtuar arma tek të miturit dhe gratë e vajzat, siç nuk ka ndodhur kurrë më parë.
Familja Bregu dhe ajo Miruku hodhën kështu një hap që duhet të shërbejë edhe për shumë familje të tjera që vuajnë nga ky fenomen, që të lënë pas hasmëritë dhe të gjejnë forcën për të falur, duke i dhënë fund një fenomeni mesjetar që bashkëjeton edhe në ditët tona. /Oranews.tv/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
