Dy negociatrët David McAllister dhe Knut Fleckenestein do të zhvillojnë të tjera takime me Kryeministrin Edi Rama, me kryetarin e Partisë Demokratike Lulzim Basha dhe me kryeparlamentarin Ilir Meta.
Takimet do të zhvillohen në Pallatin e Kongreseve duke nisur nga ora 19:00. Dy zyrtarët do të takojnë veç e veç Ramën, Metën dhe Bashën. Basha do të bisedojë me McAllister, ndërsa Rama e Meta me Fleckenstein. Më pas pritet që të ketë një takim të përbashkët mes të gjithëve.
Opozita vazhdon t’i qëndrojë kërkesës për qeveri teknike dhe mandatin e saj për të siguruar zgjedhje të lira e të ndershme.
Ky është raundi i dytë i takimeve. Mësohet se në takimet e drekës, eurodeputetët dëgjuan pretendimet e mazhorancës dhe opozitës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
