Ish Presidenti Ilir Meta ka publikuar sot disa karikatura që Edi Rama kishte publikuar në kohën e diktaturës në revistën e Sigurimit të Shtetit “Në shërbim të popullit”.
Karikatura paraqet një të re që sheh me vështrim zhbirues ndaj një personi në stol , i dyshimtë si armik.
Meta shkruan se Partia e Punës, e kishte kryeministrin Edi Rama karikaturistin e preferuar të shkrimeve propagandistike kushtuar Sigurimit e spiunazhit.
Reagimi i Ilir Metës:
“Partia e Punës e kishte Edi Ramën karikaturistin e preferuar të shkrimeve propagandistike kushtuar Sigurimit dhe spiunazhit. Ndërsa Partia Socialiste e ka Edi Ramën, Kryetarin e bandës së inceneratorëve.
Pikërisht këtu do të fokusohemi dhe ne për të zbardhur grabitjet e tij galopante dhe për t’i dhënë ndëshkimin e merituar. Në foto: (Karikatura e Edi Ramës në revistën “Në shërbim të popullit”, 10 tetor 1983). a.b
