Dënohet me 2 vjet burg oficeri i policisë, mori para për ndërtimet e paligjshme

Gjykata Posaçme të Shkallës së Parë përKorrupsionin dhe Krimin e Organizuar, publikoi vendimi për Levzat Veselaj dhe Enver Rada të akuzuar për korrupsion.

Trupi gjykues i përbërë nga gjyqtare Atalanta Zeqiraj, vendosi:

1. Deklarim fajtor të të pandehurit Levzat Veselaj për kryerjn e veprës penale “Korrupsioni pasiv i personave që ushtrojnë funksione publike”, parashikuar nga neni 259/2 i Kodit Penal dhe dënimin e tij me 3 vjet burgim.

2. Në bazë të nenit 406 të K.Pr.Penale ulet 1/3 e dënimit me burgim për të pandehurin Veselaj duke u dënuar përfundimisht me 2 (dy) vjet burgim.

3. Vuajtja e dënimit për të pandehurin L.V. fillon nga dita e ndalimit dhe do kryhet në një burg të sigurisë së zakonshme.

4. Në aplikim të nenit 35 të Kodit Penal të pandehurit L.V. i hiqet e drejta për të ushtruar funksione publike për njëperiudhë kohe prej 5 (pesë) vjetësh.

5. Deklarimin fajtor të të pandehurit Enver Rada për kryerjen e veprës penale “Korrupsioni aktiv i personave që ushtrojnëfunksione publike”, parashikuar nga neni 244/2 i Kodit Penal dhe dënimin e tij me 1 (një) vit burgim.

6. Në bazë të nenit 406 të K.Pr.Penale ulet 1/3 e dënimit me burgim për të pandehurin Enver Rada duke u dënuar përfundimisht me 8 (tetë) muaj burgim.

7. Në bazë të nenit 59 të Kodit Penal, pezullohet ekzekutimi i dënimit me burgim për të pandehurin E.R., duke e vënë nëprovë të pandehurin për një periudhë kohe prej 16 (gjashtëmbëdhjetë) muaj, me kusht që të mos kryejë vepër tjetër penale dhe të mbajë kontakte me Shërbimin e Provës. 

Oficeri i policisë Levzat Veselaj gjatë një periudhe kohore të vazhdueshme, ka kryer veprime aktive, në shpërdorim të funksionit të tij organik, ku ka kërkuar dhe marrë shuma monetare të paligjshme, në këmbim të premtimit për mosveprimin e strukturave policore për ndërprerjen e paligjshmërisë në fushën e ndërtimeve pa leje, thuhej në akuzën e prokurorisë. a.b

/DRONI.al/