Mësuesit e rinj do të vlerësohen nëse janë të aftë psikologjikisht për të ushtruar detyrën pak para nisjes së vitit të ri shkollor këtë vjeshtë.
Permes një udhëzimi ministrja Evis Kushi diferencon arsimtarët të punësuar për herë të parë me ata që kanë eksperiencë.
Me anë të një komisioni me 5 anëtarë, punonjësit arsimor të sapoemëruar nga portal ‘Mësues për Shqipërinë’, 3 muaj pasi kanë filluar punën do të testohen psikologjikisht e nëse vlerësimi do të jetë pozitiv ata do të vazhdojnë mësimdhënien, në të kundërt do të merren masa ndëshkuese deri në largim nga detyra, theksohet në udhëzim.
Për punonjësit e tjerë në shkolla vlerësimi psikologjik do të kryhet vetëm për raste të veçanta kur ka ankesa.
Të gjithë mësuesit kanë të drejtë të ankimojnë vlerësimin brenda 3 ditëve pranë zyrave vendore arsimore dhe pas shqyrtimit të ankimimit brenda 5 ditëve shpallet vlerësimi përfundimtar, shpjegon më tej udhëzimi i ministres së Arsimit. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
