Policia italiane ka sekuestruar në Trieste 4.3 ton kokainë mëngjesin e sotëm ndërsa janë lëshuar 38 masa arresti për persona mes Evropë dhe Kolumbisë ku përfshihen agjentë, tregtarë me shumicë dhe transportues droge.
Hetimi ndërkombëtar nisi një vit më parë me bashkëpunimin e drejtësisë italiane, policisë kolumbiane, së bashku me agjencinë amerikane të Hetimeve të Sigurisë Kombëtare.
Të gjitha marrëdhëniet midis prodhuesve dhe blerësve të kokainës së Amerikës së Jugut në territorin kombëtar dhe evropian u rindërtuan nga maji 2021 deri në maj 2022. Në Itali, bandat e njohura kriminale të organizuara në Veneto, Lombardi, Lacio dhe Kalabri thuhet se menaxhojnë mallin.
Vlerësohet se për 4.3 ton kokainë kanë vlerë transaksioni 96 milionë euro dhe vlersa e saj në tregun italian do arrinte 240 milionë euro, raportojnë mediat italiane.
Gjithashtu janë sekuestruar rreth 2 milionë euro para cash, ndërsa priten detaje të tjera në vijim. r.j
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
