Tatimi mbi biznesin e vogël, Rama e përgenjështroi por tatimi do paguhet në një formë tjetër

Nëse ke një biznes me xhiro deri në 10 milionë lekë në vit, ti nuk paguan asnjë taksë apo tatim mbi fitimin që të sjell biznesi.

Me projektligjin e ri që qeveria po përgatit, tani ti do të paguash tatim edhe pse në një formë tjetër, raporton euronews.

Drafti që është dakordësuar me FMN-nëparashikon që fitimi që të vjen nga biznesi do të konsiderohet si e ardhur personale.

Sipas ekspertëve, në ligjin aktual ku taksohen të ardhurat e individit, pasuri e tatueshme nuk konsiderohen të ardhurat nga biznesi, por vetëm ndarja e dividentit mes aksionerëve, edhe kjo me normë të reduktuar 8 për qind.

“Në gjithë sistemet e botës të ardhurat që vijnë nga biznesi nuk janë të ardhura individuale apo personale që taksohen njësoj si puna për arsye se vetë sistemet janë të ndara në ndërfunksionimin e tyre, janë të ardhura që vijnë nga aktiviteti tregtar i biznesit dhe ndryshojnë kryekëput me të ardhurat që vijnë nga aktiviteti profesional ose jo, por vijnë nga shfrytëzimi i punës,” – u shpreh Eduard Gjokutaj, ekspert për çështjet fiskale.

Gjokutaj sqaron se kjo nismë përpiqet të korrigjojë hapësirat që individët kanë gjetur në ligj për të shmangur pagesën e taksave. Një ndër to ishte edhe heqja e tatim-fitimit për bizneset e vogla

Kryeministri Rama mohoi futjen e biznesit të vogël në skemën e taksimit. Por ai nuk u shpreh nëse do të hiqen nga projektligji nenet që përcaktojnë fitimin nga biznesi i vogël si të ardhur personale. euronews.al

/DRONI.al/