Teksa ka kaluar një vit nga zgjedhjet e 25 Prillit, deputeti i Partisë Demokratike Lefter Gështenja kërkon bashkimin e demokratëve për tu rikthyer tek fitorja. Sipas Gështenjës, vetëm bashkimi mund të bindë shqiptarët të votojnë kundër Ramës.
“Një vit më parë, më 25 Prill shqiptarët u privuan nga ndryshimi i qeverisjes. Rrotacioni nuk ndodhi edhe pse votat e opozitës ishin në shumicë.
Me ndryshime Kushtetute të njëanshme, blerje masive votash, krijimin e një sistemi patronazhimi kriminal votash, Rama kreu një masakër zgjedhore duke ndalur ndryshimin.
Demokratët po vuajnë ende pasojat e mosvlerësimit të sakrificave të tyre të gjata në opozitë. Shtypja e pushtetit ka ardhur deri në dyert e Partisë Demokratike duke sjellë përçarje dhe plogështi.
Nisur nga parimi se shumica e shqiptarëve duan ndryshim, demokratët nuk duhet të dorëzohen. Ata duhet të bashkohen ndryshe nuk mund të bindin pjesën tjetër të shqiptarëve për të dalë e votuar.
Zgjedhjet lokale janë fare pranë dhe do jenë një test jo vetëm për demokratët. Nesë nuk ka bashkim, nuk do ketë as ndryshim dhe as rrëzim të Edi Ramës.
Ky është interesi më i lartë i demokratëve, i vetë shqiptarëve”, tha Gështenja në faqen e tij zyrtare ne Facebook.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
