Kryemadhi akuzon PD: Na shiti 3 mandate më 25 prill. Ndërkombëtarët na thanë 6 muaj para zgjedhjeve se Basha nuk bëhet kryeministër

Kryetarja e LSI, Monika Kryemadhi bën fajtore PD për humbjen e opozitës në zgjedhjet e 25 prillit, gjatë një interviste në emisionin “Opinion” se numëruesit e PD kanë shitur tre mandate deputeti të LSI.

Ajo thotë se disponon proces-verbalet ku dilte fitues kandidati i LSI, por sipas saj, këto proces-verbale janë grisur pas një ore me urdhër nga “lartë”.

Kryemadhi: Besoja se opozita do të fitonte në zgjedhjet e 25 prillit. Të gjithë bëjmë sondazhe dhe ne e dimë shumë mirë se si bëhen si sondazhet në Shqipëri që ndodh se si lëviz për shkak se njërëzit kanë frikë të deklarojnë frikën. Të paktën mund të them që tre mandatet e LSI janë shitur në tavolinë.

Fevziu: Kush i shiti?

Kryemadhi: Numëruesit e Partisë Demokratike. Pavarësisht se suflerët e Bashës poshtë e përpjetë thonë se i kanë shitur mandatet etje. Ne disponojmë proces-verbalet e firmosura e numëruesit e PD dhe anëtarëve të PD që del fitues mandati i LSI dhe aps një ore me urdhër nga lartë është grisur dhe çuditërisht kamerat kur janë kërkuar për tu parë nuk  kanë punuar asnjëherë.

Kryetarja e LSI Monika Kryemadhi tha në emisionin “Opinion” se kishte marr nga ndërkombëtarët mesazhe që i kërkonin të dilte në zgjedhjet e 25 prillit me kandidatin e tyre për Kryeministër, pasi Basha nuk bëhej kryeministër. Kryemadhi tha se këto mesazhe i ka marr që në nëntor të vitit 2020 dhe se ja kishte bërë të ditura edhe Bashës.

Kryemadhi: Edhe ma kanë thënë ky nuk bëhet Kryeministër dhe unë i kam thënë që doni të përçani opozitën, që në nëntor.

Fevziu: Kush ua tha që në nëntor?

Kryemadhi: Më kanë sjellë mesazhe… që ky nuk bëhet Kryeministër.

Fevziu: Ndërkombëtarët? Ju kanë thënë që në nëntor?

Kryemadhi: Dilni me kryeministrin tuaj,  dhe i kam thënë nuk dal me kryeministrin tonë se do hyj si opozitë e bashkuar.

Fevziu: Ua kanë thënë ndërkombëtarët hyni në zgjedhje me kryeministrin tuaj?

Kryemadhi: Me kryeministrin tuaj si LSI. Dhe ja kam thënë Bashës që këtë mesazh më kanë sjellë, ndaj sillu korrekt, nuk të kam shitur nuk kam ndër mend të të shes, kam djegur mandatet….

Fevziu: Që në nëntor të 2020?

Kryemadhi: Luzlim Basha nuk bëhet Kryeministër, ndaj dilni me kryeministrin tuaj…/Opinion.al

/DRONI.al/