Një djalë romantik u takua me vajzën e ëndrrave të tij në një festival, por harroi t’i merrte asaj numrin e telefonit dhe e gjeti përsëri pasi vendosi postera të fytyrës së tij, në të gjithë qytezën e saj.
Nick Hopton njohu një vajzë të quajtur Freya, në festivalin Boomtown, në Hampshire dy javë më parë, dhe mbeti i zhgënjyer më pas ngaqë nuk i mori asaj të dhënat.
Gjithçka që ai dinte për të ishte vetëm se ajo punonte dhe jetonte në Horfield, Bristol. Kështu që ai vendosi të ngjiste postera të vetes në të gjitha stacionet e autobusit në atë zonë, duke i kërkuar që ta kontaktonte.
Pasi vendosi posterat të hënën, ajo i pa dhe e kontaktoi pas mesnate dhe çifti u takua sërish.
“Jam i mahnitur pasi funksionoi shumë shpejt. Ne u ritakuam sërish, dhe do doja të vazhdoja ta takoja,” tha Hopton.
Mesazhi “E njihni Freya-n?”, funksionoi më së miri.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
