Sot u nda nga jeta në moshën 90- vjeçare piktori i madh i përmasave europiane, Omer Kaleshi.
U lind në vitin 1932 në fshatin Kastriot të Kërçovës në Maqedoninë e Veriut ndërsa në vitin 1956 emigroi në Stamboll, Turqi me gjithë familje.
3 vite më pas fillon studimet në Akademinë e Arteve të Bukura në Stamboll, dega e pikturës.
Në vitin 1963 hap ekspozitën e parë personale në galerinë “Robert College” në Stamboll, kurse në vitin 1965 përfundon studimet dhe njëkohësisht hap disa ekspozita në Ankara, Beograd, Shkup dhe po këtë vit Omer Kaleshi vendoset në Paris ku qëndroi deri në fund të jetës së tij.
Omer Kaleshi ka hapur një numër të madh ekspozitash në Paris, SHBA, Kanada, Stamboll, Londër, Ankara, Egjipt, Spanjë, Zvicër, Moskë, Izmir, në Tiranë dhe Prishtinë.
Në Shkup para gjashtë viteve u hap Galeria e përhershme me emrin e tij në Galerinë Kombëtare e Arteve në Shkup, për të nderuar emrin e tij. r.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
