OKB: Mbi pesë milionë refugjatë janë larguar nga Ukraina

Më shumë se pesë milionë refugjatë janë larguar nga Ukraina që nga pushtimi i Rusisë në shkurt, sipas shifrave të fundit të publikuara nga OKB. Komisioneri i Lartë i OKB-së për Refugjatët (UNHCR) thotë se mbi 4.7 milionë refugjatë kanë kaluar kufijtë e Ukrainës.

Përveç kësaj, Organizata Ndërkombëtare e OKB-së për Migracionin (IOM), e cituar nga AFP, thotë se rreth 215,000 shtetas të vendeve të treta – njerëz që nuk janë as shtetas të Ukrainës dhe as të vendit ku kanë hyrë – janë larguar gjithashtu drejt vendeve fqinje. Përqindja më e madhe e refugjatëve  (2.7 milionë) kanë ikur në Poloni, ndërsa më shumë se 725,000 kaluan në Rumani. Megjithatë, shifrat zyrtare sugjerojnë se disa njerëz tani po zgjedhin të kthehen në Ukrainë.

Shifrat e UNHCR-së tregojnë se rreth 645,000 ukrainas u larguan në shkurt, afro 3.4 milionë janë larguar në mars dhe më shumë se 760,000 janë larguar deri më tani këtë muaj. Gratë dhe fëmijët përbëjnë 90 për qind të atyre që braktisen vendin, ndërsa burrat emoshës 18 deri në 60 vjeç nuk lejohen tëlargohen pasi nevojiten për të luftuar ndaj pushtuesve rusë. Gati dy të tretat e të gjithë fëmijëve ukrainas janë detyruar të largohen nga shtëpitë e tyre, duke përfshirë edhe ata që janë ende brenda vendit.

Përtej refugjatëve, IOM vlerëson se 7.1 milionë njerëz kanë lënë shtëpitë e tyre, por janë ende në Ukrainë. Para pushtimit, Ukraina kishte një popullsi prej 37 milionë banorësh në rajonet nën kontrollin e qeverisë, duke përjashtuar Krimenë e aneksuar nga Rusia dhe rajonet e kontrolluara nga separatistët pro-rusë në Lindje. Këtu është një përmbledhje e numrit të refugjatëve ukrainas që kanë ikur në vendet fqinje, sipas UNHCR:

Sipas OKB-së, afërsisht gjashtë nga 10 refugjatë ukrainas (2,720,622 deri më tani)kanë kaluar në Poloni. Ndërsa në Rumani kanëhyrë një total prej 726,857 ukrainasish. Rreth 484,725 refugjatë të tjerë kanë kërkuar strehim në Rusi. Përveç kësaj, 105,000 njerëz kaluan në Rusi nga rajonet pro-ruse të Donetskut dhe Luhanskut, të kontrolluara nga separatistët pro-rusë në Ukrainën Lindore. Gjithsej 447,053 ukrainas kanë hyrë në Hungari, 419,499 në Moldavi, 419,499 nëSllovaki dhe 22,827 refugjatë kanë arritur në Veri të aleatit të ngushtë të Rusisë, Bjellorusisë.

/DRONI.al/