Gazetari Besar Likmeta shprehet se një investim i bërë në grykëderdhjen e Vilë Bashtovës e ka marrë lumi.
Në studion e “Opinion” u publikuan disa nga tenderat e dyshimtë që dyshohet se janë përfituar nga Klodian Zoto, për të cilat Likmeta tha se bëhet fjalë për tendera që kompanitë kanë shkuar dhe kanë kërkuar një kontratë.
“Sa i përket specializimit për marrjen e tenderave, shumica e atyre tenderave, përfshirë edhe ai i Vilë Bashtovës që unë e kam vizituar dhe nuk ekziston më sepse e ka marrë lumi atë investim. Janë tendera me propozim të pakërkuar. Domethënë këto nuk kanë qenë tendera të hapur kur janë thirrur disa kompani, edhe tenderat e ujësjellësve nuk kanë qenë tendera ku kompanitë janë thirrur të konkurrojnë, por kompania ka shkuar dhe ka bindur autoritetin kontraktor që t’u japë një kontratë. Nuk i ka pastruar edhe lumenjtë. Investimin 1 mln Dollarë e ka marrë lumi 3 muaj mbrapa, nuk ekziston më. E kam vizituar, është shkatërruar e ka marrë lumi. Këto janë barriera që vihen në grykëderdhjet e lumenjve për të mbledhur mbetjet. Efektiviteti është shumë i dyshimtë. Janë projekte pilot. Është bërë një. E ka marrë lumi! Pastaj është bërë një i dytë”, tha Likmeta. Opinion m.k
