Matt Palumbo prezantoi sot në Tiranë librin e tij “Njeriu pas perdes: Brenda rrjetit sekret të George Soros“, një libër që ka zgjuar interes sot rreth veprimtarisë së filialeve të fondacionit Soros në disa vende të botës
Ish kryeministri Berisha, një kritik i ashpër i Soros tha se libri i Palumbos zbulon anën e vërtetë të Soros, atë të spekulantit. Berisha tha se ai është njeri makinë, pa shpirt ndërsa theksoi se e ka dëmtuar shumë shoqërinë civile dhe demokracinë në Shqipëri.
Palumbo shkruan për emisionin ‘Bongino’, një program politik i rrjetit të madh Fox Nation thotë se e ka quajtur miliaderin e majtë si ‘gogoli’ që është gjithnjë pas diçkaje që po ndryshon.
Pasurinë e tij, thotë Palumbo, Soros e ka shfrytëzuar për qëllime të tij personale dhe se sa ideologjike.
Ai shton se Soros ka investuar miliona për të cenuar rendin dhe ligjet e SHBA, duke mbështetur në pushtet njerëz që ka dashur ai.
“Soros është kthyer në atë që njihet si ‘gogoli’ për shkak të miliardave të tij, të cilat i ka shfrytëzuar për qëllimet e tij personale se sa ideologjike. Në libër njihet si ‘gogoli’. Dhe i kemi vendosur këtë nofkë si personi që është gjithnjë mbrapa diçkaje që po ndryshon. Dhe kur ndjek paranë kur shikon se çfarë po ndodh, kupton se ku qëndron pozicioni i tij. Mua më ka tërhequr gjithnjë figura e tij. Në 2-3 vitet e fundit ka patur një prishje të rendit në SHBA dhe ku ligjet dhe rendi në çdo qytet ka ndryshuar dhe Soros ka investuar me qindra miliona për të garantuar atë që ka dashur ai dhe kanë ardhur në pushtet persona që ka dashur ai dhe kanë qenë dakord me ideologjinë e tij, duke mbështetur ndarjen racore sidomos në New York ku ka patur çështje ku personat janë goditur pikërisht për këtë gjë”, u shpreh Palumbo. m.k
