Pas dy orësh e gjysmë bisedime mes negociatorëve të Ukrainës dhe Rusisë palët nuk kanë arritur në një marrëveshje përfundimtare.
Këshilltari i Presidentit të Ukrainës, Mykhailo Podolyak deklaroi se është rënë dakord vetëm për krijimin të korridoreve humanitare dhe vendosjen e një armëpushimi të përkohshëm për evakuimin e qytetarëve.
“Në raundin e dytë të bisedimeve me Rusinë, Ukraina nuk mori rezultatet që shpresonte”, deklaron Podoliak në Twitter.
Tri kërkesat e Ukrainës në tryezën e dialogut ishin:
- Armëpushim i menjëhershëm
- Ndalimi i luftimeve
- Korridore humanitare për evakuimin e civilëve nga qytete që janë shkatërruar ose vazhdimisht të bombarduara
Kreu i delegacionit rus Vladimir Medinsky pohoi për mediat ruse se palët u pajuan vetëm për lejimin e korridoreve të evakuimit të popullsisë civile.
“Unë mendoj se është progres domethënës”, tha ai.
Sipas Reuters, takimi i radhës mund të mbahet në fillim të javës së ardhshme. m.k
https://fb.watch/bwWnwre6bt/
