Kryeministri Edi Rama tha sot gjatë një konference shtypi në Tiranë se ai e dinte shumë mirë atë që do të sillte Reforma në Drejtësi, kur kërkoi me ngulm që të ishte në udhëheqje të saj, ndërsa u pyet në lidhje me dënimim e Saimir Tahirit.
“Unë nuk komentoj asnjëherë vendimet e gjykatave, unë e kam ditur mirë çfarë kam bërë kur kam udhëhequr reformën në drejtësi. Dhe nuk do të kthehesha pas, sot nuk do të doja që të shfokusohesha nga kjo çështje.
Për ecurinë e Reformës në Drejtësi mund të flasim në një konferencë tjetër”, tha shkurtimisht Rama.
