Bora Zemani duket ka vendosur që të kaluarën ta lërë pas me fillimin e Vitit të Ri.
Moderatorja e famshme ka larguar nga Instagrami Donaldin, bashkë me të edhe Beatrix dhe Romeo Veshaj.
Ndër historitë më të komentuara të dashurisë në vitin që po lëmë pas ishte ajo e moderatores Bora Zemani dhe aktorit Donald Veshaj.
Lidhja e tyre u bë edhe më publike me hyrjen e aktorit në Big Brother VIP, ku dyshja patën edhe një takim romantik në javët e para të spektaklit.
Kur gjithçka dukej se po shkonte mirë për çiftin, aktori filloi një intimitet të madh me banoren tjetër të shtëpisë, këngëtaren Beatrix Ramosaj.
Megjithatë, lidhur me këtë trekëndësh prezantuesja ka qëndruar e heshtur, duke reaguar vetëm një herë përmes një postimi në Instastory.
