Basha: Te verber ata qe ndjekin pas Berishen

Kreu i Partisë Demokratike Lulzim Basha ka mbledhur sot drejtues te selise qendrore, drejtues lokale ne seline e PD me rastin e 31 vjetorit te themelimit te PD.

Gjate fjales se tij Basha i ka quajtur të verbër, ata persona që ndjekin Berishën, të cilin e ka cilësuar si hije të së kaluarës.

Basha ftoi të gjithë demokratët e zhgënjyer që të mos ndjekin në mënyrë qorre kultin e individëve, dhe të jenë pro një PD-je që do të rrëzojë regjimin e Edi Ramës.

Pjesë nga fjala e Bashës:

Të përndjekurit dhe pronarët nuk kanë asnjë arsye që të besojnë te kundërshtari politikë, por kanë të drejtën e zotit që të kërkojnë njëherë e mirë zgjidhjen e të drejtës së tyre të PD. Vëllezër dhe motra, 31 më vonë, të rinjtë dhe të rejat janë arsyeja se pse beteja jonë do të vazhdojë deri në fitore.

Linku live për pritjen me rastin e 31 vjetorit të PD

Ne jemi dhe mbetemi partia e të rinjve dhe të rejave shqiptare. Ne shohim te rinia shpresën, të ardhmen që duhet të kishte ardhur por u ndal, prej regjimit por edhe mangësive tona. Te shpirti i pastër i rinisë, ne PD do të vendosim fatin e Shqipërisë europiane. Ne nuk mund të injorojmë se përndryshe prapë do të gabojmë, për atë që po ndodh me një pjesë të familjes sonë.

Dua tiu drejtohem demokratëve të zhgënjyer, e njoh dhe e kam prekur dashurinë tuaj, kur më keni votëbesuar, jo një karrige, por për të prirë përmbysjen e një regjimi, të një beteje frontale, të gjerë sa vetë kauza e shqiptarëve për ndryshim, ku demokratët do të prijnë me një motiv, për të mirën e Shqipërisë për të mirën e shqiptarëve.

Hijet e të kaluarës, kulti i individit nuk di të ringrihet më, as në një emër tjetër. Jam në mesin tuaj, jo si një njeri që dua të shtoj radhët, detyra jonë është diçka tjetër, që jo përmes manipulimit, të mos bëj ata që po përpiqen të bëjnë sot ata që kanë 30 vite në tranzicion. a.b

/DRONI.al/