Presidenca rikthen çështjen e zgjedhjeve lokale: Vendimi i Kushtetueses është antikushtetues

Vendimi i marrë nga Gjykata Kushtetuese në lidhje me zgjedhjet lokale ishte anti-kushtetues, i deklarua sot nga Presidenca gjatë një konference për mediat nga dy këshilltarë të Presidentit.

Bledar Dervishaj, këshilltar i presidentit, Ilir Meta:

Ditën e djeshme, Presidenti është njohur zyrtarisht me vendimin numër 36 datë 4 nëntor të gjykatës Kushtetuese ku u rrëzua kërkesa e Shoqatës së Bashkive e cila kishte kërkuar që të shpalleshin anti-kushtetuese votimi I zgjedhjeve lokale të 2019.

Presidenti mbështeti këtë kërkesë, jo vetëm kaq por si palë e interesuar i kërkon gjykatës që është instance e vetme që mund ta bëjë, kontrollin e kushtetutshmërisë së akteve të ndërmarra për të përmbushur misionin që Kushtetuta kërkon duke nxjerrë edhe pasojat që vijnë pas një votimi antikushtetuese, monist sic ishte ai I 30 qershorit.

Vetëm nëpërjet një vendimi të marrë me themel gjykata do u jepte mundësinë shqiptarëve për një process të denjë votimi. Por përkundër të gjithë këtyre pritshmërive, kjo gjykatë për fat të keq I zhgënjeu të gjithë. Gjykata Kushtetuese me këtë vendim hoqi dorë nga ushtrimi I vullnetit të saj dhe e shfaqi veten jo kompetente për këtë çështje.

Për fat të keq, Gjykata Kushtetuese, faktikisht e la çështjen pa vendim përfundimtar. Atëherë ne drejtojmë këto pyetje ndaj Gjykatës Kushtetuese:

Në procesin e votimeve të 30 qershorit, a iu mohua të gjithë shtetasve shqiptarë e drejta për të zgjedhur?
A mundet sipas Kushtetutës të zhvillohen zgjedhje pa një datë të përcaktuar nga presidenti?
A ishin votimet e zhvilluara në përputhje me parimet e Kushtetutës?
A mundet që sipas Kushtetutës, data e azgjedhjeve të diktohet nga Kuvendi?
A quhen zgjedhje pluraliste kur aty ka vetëm një kandidat?
A ka kodi zgjedhor një zgjidhje për këtë, ku në zgjedhje paraqitet vetëm një kandidat?

Komentet e këshilltarit Dervishaj:

/DRONI.al/